Die eerste van drie volumes van Mentzel wat sy siening weergee van toestande aan die Kaap teen die middel van die 18de eeu.Hierdie volume bevat 'n historiese agtergrond, 'n beskrywing van die Kaapse omgewing en verslae van die administrasie en finansies van die kolonie.
Die publikasie, in die oorspronklike Nederlands met 'n Engelse vertaling, is die verslag van die kommissie wat in die kritieke jare tussen die twee Britse besettings na die Kaap gestuur is. Die verslag bevat kommentaar oor 'n wye verskeidenheid van sosiale, ekonomiese en politieke toestande aan die Kaap aan die einde van die 18e eeu.
Hierdie 'biografie' van Alleman is in werklikheid 'n vermaaklike verslag van die sosiale lewe aan die Kaap rondom die middel van die 18e eeu. Die verskeidenheid onderwerpe sluit o.a. in: die struktuur van die militêre magte; die lewe van die slawe; die opstand van Etienne Barbier; finansiële vooruitsigte vir jong vroue.
Hierdie dokumente handel oor sake wat dr Theal beskryf het as 'of the greatest importance to the European settlement in this country'. Dit is amptelike verslae oor toestande aan die Kaap. Nederlandse teks met vertalings in Engels.
