Sol Plaatje (1876-1932) was een van die belangrikste politiese en literêre figure van sy generasie – as joernalis, skrywer en woordvoerder van sy mense wat opkom teen die onderdrukende beleid van die Suid-Afrikaanse regering van die tyd. Hy word ook onthou vir ‘n aantal boeke onder andere, Native Life in South Africa (1916).
Richard Victor Selope Thema (1886-1955) was een van die invloedrykste swart mense in Suid-Afrika in die twintigste eeu – en tog is hy vandag grootliks vergete. Die geredigeerde en geannoteerde uitgawe van sy ongepubliseerde outobiografie en van ander geselekteerde geskrifte bevestig sy plek in die panteon van helde in die swart vryheidstryd in Suid-Afrika. Hy was vanaf 1912 vir byna veertig jaar ʼn leiersfiguur in die ANC; vir baie jare was hy op die Nasionale Uitvoerende Komitee. Hy was ook ʼn stigter van die All-African Convention, ʼn verkose lid van die Naturelle Verteenwoordigende Raad (1937-1950), en hy was gedurig in aanvraag om in deputasies en komitees te dien, aangesien hy een van die welsprekendste woordvoerders van die Afrikane van sy geslag was.Thema is ook algemeen erken as die leidende swart joernalis en intellektueel van sy tyd.
Hierdie volume bevat meer as 300 van Olive Schreiner se belangrikste briewe oor Suid-Afrikaanse mense, politiek en rasseverhoudinge. Hulle is dikwels profeties en kan nog steeds koue rillings by jou ruggraat laat afgaan. Uiters leesbaar en insigryk, openbaar haar briewe onderandere haar belangrikheid as een van die wêreld se beroemdste vroue, iemand van fundamentele belang in die Suid-Afrikaanse letterkunde en politiek in ‘n kritieke tyd van sy geskiedenis.
Thomas Pringle (1789–1834) word in hierdie land onthou as die ‘vader van die Engelse poësie’, as leier van die enigste Skotse Setlaarsparty in 1820, en as ‘n kampvergter vir die vryheid van die pers. In Kaapstad was hy onder andere, saam met sy vriend John Fairbairn, redakteur van die Kaap se eerste onafhanklike nuusblad, en het ‘n suksesvolle ‘klassieke en kommersiële akademie’ gestig, totdat dit alles tot ‘n einde gebring is deur die vyandigheid van die goewerneur, Lord Charles Somerset. Hy is terug na Engeland waar hy sekretaris van die Anti-Slavery Society was en is op 45 jarige ouderdom oorlede.
Alan Paton was 'n geesdriftige briefskrywer wie se briewe byna soos 'n reeks vurige gesprekke is. Die briewe laat blyk sy talent vir vriendskap, sy lewendige persoonlikheid en sy prinsipiële betrokkenheid by die Suid-Afrikaanse samelewing. Hierdie versameling van 350 briewe wat nie voorheen gepubliseer is nie, maak 'n belangrike deel van sy geskrifte uit.
