Kaapse politiek

Percy Molteno (1861-1937) was 'n seun van sir John Molteno, eerste premier van die Kaapkolonie. Hy is opgelei as advokaat en trou met die dogter van sir Donald Currie, die skeepsmagnaat, en gaan werk vir sy skoonpa in Engeland. Hy bly hartstogtelik geïnteresseerd in die politieke lewe van die kolonie en voer 'n omvattende briefwisseling met verskeie vooraanstaande politici en sakelui. Tydens die Suid-Afrikaanse oorlog het hy die pro-Boere-beweging ondersteun en in 1906 die Britse parlement betree onder leiding van die liberale sir Henry Campbell-Bannerman.

Sir James Rose Innes (1855-1942) was een van Suid-Afrika se leidende juriste. Hierdie volume handel oor Rose Innes se politieke loopbaan, aanvanklik as 'n lid van Cecil John Rhodes se eerste ministerie in 1890-1893. Die politieke verdelings deur die Jameson-inval meegebring het Rose Innes teensinnig in die kamp van die lojaliste gebring.

Hierdie laaste volume van Merriman se korrespondensie handel oor Uniewording, insluitend sy sienings oor die maak van die grondwet, en sy tydperk as premier van die Kaapkolonie. Merriman het na Uniewording in die Kaapse parlement aangebly en het 'n rol gespeel in gebeure voor en net na die Eerste Wêreldoorlog.

Hierdie tweede volume van Selections from the Correspondence of J.X. Merriman dek Rhodes se eerste premierskap, met Merriman as Koloniale Tesourier; die periode voor die Anglo-Boereoorlog, insluitende die Jameson-inval; en Merriman se breuk met Rhodes. Dit was tydens hierdie periode dat Merriman pro-Boer geword en 'n alliansie met die Afrikaner-Bond gesluit het.

John X. Merriman, die seun van Aartsdeken Merriman, was een van die briljantste politici aan die Kaap. Sy lang politieke loopbaan het die belangrikste politieke gebeurtenisse van die laat-19e eeu en vroeë 20ste eeu oorspan, en het gekulmineer in sy premierskap net voor die totstandkoming van die Unie in 1910. Polities was Merriman liberaal; hy het nou saamgewerk met Rhodes toe laasgenoemde die eerste keer premier geword het maar het later sterk pro-Boer geword. Volume 1 handel oor die begin van sy loopbaan aan die Kaapse oosgrens, en die eerste jare van verantwoordelike regering. Hierdie teks handel ook oor die ekonomiese rewolusie na die ontdekking van diamante en goud