Moderne Suid-Afrikaanse Politiek

Die Industrial and Commercial Workers’ Union of Africa (ICU) en sy charismatiese leier, Clements Kadalie, het die Suider-Afrikaanse politieke landskap van die 1920’s oorheers. Die beweging het ‘n wye spektrum van opposisie teen die gevestigde orde getoon. Vanaf ‘n nederige begin in Kaapstad in 1919 het die ICU gedurende die daaropvolgende tien jaar ongekende getalle swart werkers gewerf. Die beweging is aanvanklik beïnvloed deur die “Garveyitiese” idees van Marcus Garvey, die Jamaikaanse swart nasionalis en separatis. . In Suid-Afrika het die ICU so ‘n bedreiging vir die gevestigde orde geword dat dit dikwels debatte in die wit parlement gedurende daardie dekade oorheers het, met die 1926-sitting wat bekend geword het as “die Kadalie-sessie”, wat na Clements Kadalie verwys.

President M.T. Steyn is een van die groot helde van die geskiedenis van die Afrikaner. Hy was 'n leier in die guerrilla-oorlog van 1899-1902 teen Brittanje en was heftig teen oorgawe gekant. ln 1902 is hy deur 'n neuromuskulêre siekte getref, waardeur hy nie aan die onderhandelinge wat die oorlog beëindig het, kon deelneem nie. In 1902 het hy na Europa vertrek vir mediese behandeling, en na sy gedeeltelike herstel het hy na Suid-Afrika teruggekeer. Hy het vir'n kort tydjie na die politieke lewe teruggekeer as vise-voorsitter van die Nasionale Konvensie in Durban, waar besluit moes word oor die bepalings van Uniewording. Sy vasberadenheid om 'n sterk Afrikaner-identiteit te handhaaf, tesame met sy wyse raad en grootmoedigheid, het 'n groot indruk op die ander deelnemers gemaak, insluitende ou vyande soos dr L.S. Jameson.

Xuma is veral bekend as die president wat die ANC in die 1940’s laat herleef het en wat uit die pos gewerk is deur die organisasie se Jeugliga. Minder bekend is sy invloedryke openbare loopbaan as mediese dokter en sosiale hervormer, of sy prikkelende gedagtes geformuleer in drie dekades van toesprake en geskrifte, waarin hy konsekwent kritiek gelewer het op wit oorheersing, sosiale ongelykheid en die regeringsbeleid van segregasie en apartheid. Xuma se volgehoue bemoeienis met nasionale bevryding, gesondheid en swart identiteit verleen aan sy werk ‘n verbasende aansluiting by brandende kwessies van vandag. Hierdie volume bring vir die eerste keer die werke van hierdie politieke leier en sosiale hervormer uit die middel van die twintigste eeu bymekaar; sowel sy ongepubliseerde outobiografie as ‘n weloorwoë keuse uit sy groot versameling briewe, toesprake, pamflette en voorleggings aan regeringskommissies.

Hierdie volume, wat ‘n eeu na Uniewording in 1910 verskyn, vertel die verhaal van die eerste paar dekades van die nuwe staat. Die verhaal ontvou deur briewe wat weekliks uitgeruil word deur twee belangstellende kommentators: Patrick Duncan, gebore in Skotland, oorspronklik ‘n lid van Milner se ‘Kindergarten’ van jong Britse staatsamptenare wat ‘n gerespekteerde politikus in die nuwe Unie geword het.